HƏR BİR İNSANIN ORQANİZMİNDƏ 300-DƏN ÇOX KİMYƏVİ ZƏHƏR VAR
Belə halların 75 faizində xərçənğ şişləri bizi əhatə edən mühitin tərkibindəki zərərli maddələrə görə əmələ gəlir. Bu maddələr insan orqanizmi üçün əsil zəhərlərdir və onlar allergiyaya, əsəb sisteminin pozulmasına, bəzi hallarda isə xərçəng xəstəliyinin müəyyən formalarının yaranmasına gətirib çıxarır. Avropanın görkəmli həkim və alimlərini, - onların arasında Nobel mükafatı laureatları da var, - birləşdirən “Parisin Çağırışı” Assosiasiyasının Brüsseldə Avropa Parlamentinə təqdim etdiyi faktlar buna sübutdur.
Bu faktlar bəzi yeni xəstəliklərin sayının artması ilə əlaqədar haqlı olaraq təşviş doğurur. Belə ki, son 20 ildə xərçəngin bəzi formaları ilə xəstələnmə hallarının sayı iki dəfə artmışdır. Bu, ilk növbədə, döş xərçənginə aiddir. Həmin dövrdə prostat vəzisi xərçənginə tutulanların sayı üç dəfə çoxalmışdır.
Kimya ilə sağlamlıq arasında əlaqə olduğuna heç də həmişə məhəl qoyulmur. Belə bir fakt həyəcan doğurur ki, hər bir avropalının qanında 300-dən çox kimyəvi zəhər var. Kimyəvi maddələrin izləri ana südündə və hətta yenicə doğulan uşağın göbəyində də aşkara çıxarılmışdır. Bu isə onu göstərir ki, uşaq hələ doğulmazdan əvvəl embrion süni substansiyalarla əlaqəyə girir.
Orqanizmdə kimyəvi maddələr olduğunu Almaniya Təbiəti və Ətraf Mühiti Mühafizə İttifaqının apardığı tədqiqat da təsdiqləmişdir. Tədqiqat zamanı son 20 ildə götürülmüş ana südünün nümunələri analiz edilmişdir. Tədqiqat göstərmişdir ki, istifadədən 30 ildən çox əvvəl çıxarılan DDT, PCB və dioksin kimi zəhərlərin insan qanında izləri var. Bu zəhərlərin 1970-ci illərdə qadağan edilməsi sayəsində onların miqdarı kəskin surətdə azalmışdır. Lakin tədqiqat, məsələn, kondisionerlərdə, yuyucu vasitələrdə və plastik kütlədən hazırlanan əşyalara qulluq üzrə vasitələrdə olan kimyəvi maddələrin belə qrupunun artığını göstərmişdir.
Bu qrup maddələr polivinilxloriddən düzəldilən bütün əşyalarda olur, onlardan oyuncaq istehsalı üçün də istifadə edilə bilər. Zərərli maddələr mənzillərin döşəmə örtüklərində, su keçirməyən paltarda, ayaqqabıda da var. Onlar sonsuzluğa gətirib çıxara və qaraciyərə, böyrəklərə ziyan vura bilər. Elektron aparatlarını çox qızmaqdan və yanmaqdan qoruyan və bizi əhatə edən sintetik maddələrin miqdarı qanda artır. Onlar embrionun inkişafı üçün problemlər yarada bilər.
Həmin maddələrin əksər hissəsi atmosferə isitmə sistemi vasitəsilə düşür. Bu, həmin maddələrin insan orqanizminə yol tapmasının üsullarından biridir. Biz digər zərərli maddələri emal olunarkən əsil zəhərlərdən istifadə edilən qida məhsulları ilə alırıq. Zərərli maddələr orqanizmə kosmetikada, parça və ya ayaqqabıda olan sintetik maddələri udan dəri vasitəsilə də keçir. Orqanizmə bir dəfə daxil olan bu zəhərlər orada da qalır.
Bölmənin digər xəbərləri
