Hərarəti olduğuna görə imtahana buraxılmayan abituriyentlər təkrar imtahan verə biləcəklər
Bakı, 20 iyun, AZƏRTAC
İndiyə qədər keçirilən imtahanlara hərarəti yüksək olduğuna görə buraxılmayan şagirdlər təkrar imtahan verə biləcəklər.
AZƏRTAC xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə iyunun 20-də keçirdiyi onlayn mətbuat konfransında deyib.
O deyib ki, qrafik üzrə keçiriləcək sonuncu imtahanlarda bu tələbələr imtahana buraxıla bilər. Dövlət İmtahan Mərkəzi bu şagirdlərlə mütəmadi əlaqə saxlayır və onların ərizələri qəbul olunur. Növbəti həftələrdə bu barədə ətraflı məlumat veriləcək.
Bölmənin digər xəbərləri
