Həyat şansı: Çin donor orqanlarının əlçatanlığını genişləndirir
Bakı, 12 iyun, AZƏRTAC
Cümə axşamı hakimiyyət orqanları və ekspertlər Çinin həyati əhəmiyyətli donor orqanlarının optimallaşdırılmış köçürülmə sistemi sayəsində son on ildə orqan transplantasiyasının səmərəliliyini və əlçatanlığını əhəmiyyətli dərəcədə artırdığını açıqlayıblar. Orqan donorluğu ilə bağlı ictimaiyyətin məlumatlılığı da durmadan artır.
AZƏRTAC xəbər verir ki, 2010-cu ildən bəri Çində 63 mindən çox ölüm sonrası orqan donorluğu əməliyyatı aparılıb və nəticədə 190 mindən çox orqan transplantasiyası həyata keçirilib. Bundan əlavə, Çində hər il iyunun 11-də qeyd olunan Orqan Bağışlama Günündə açıqlanan məlumatlara görə, 7,3 milyondan çox insan könüllü orqan donoru qismində qeydiyyatdan keçib. Bu barədə “China Daily” qəzeti yazıb.
2025-ci ildə Çində 6931 orqan bağışlanması qeydə alınıb və 25799 orqan nəqli əməliyyatı həyata keçirilib ki, bu da əvvəlki illə müqayisədə müvafiq olaraq 4faiz və 4,5 faiz artım deməkdir. Hər iki rəqəm tarixi zirvələrə çatıb, baxmayaraq ki, milyon nəfərə düşən donorların ümumi donorluq nisbəti beynəlxalq standartlardan aşağı olaraq qalır.
Bu il, həmçinin Çinin sürətləndirilmiş emal və prioritet daşınma kimi tədbirlər vasitəsilə donor orqanlarının səmərəli daşınmasını təmin edən “yaşıl kanal” siyasətinin tətbiqinin 10-cu ildönümüdür. Çin Orqan Transplantasiyasının İnkişafı Fondunun sədri Çjao Huntyao bildirib ki, bu siyasət orqan daşınmasının səmərəliliyini orta hesabla 10 faiz bəndi artırıb. “Yaşıl kanal” siyasəti donor orqanlarının istifadə nisbətini də 30 faiz qaldırıb.
Bölmənin digər xəbərləri
