Honkonqda yaşayış binasında baş verən yanğında 7 nəfər ölüb
Pekin, 16 noyabr, AZƏRTAC
Çinin Honkonq xüsusi inzibati ərazisində yaşayış binasında baş verən yanğında 7 nəfər ölüb, 10 nəfər bədən xəsarəti alıb.
AZƏRTAC yerli KİV-lərə istinadla xəbər verir ki, yanğın noyabrın 15-də axşam saatlarında binadakı Nepal restoranında baş verib. Hadisə baş verən zaman restoranda Asiyanın bəzi ölkələrində qeyd olunan Divali festivalı ilə əlaqədar şənlik keçirilirmiş.
Yanğın təxminən 2 saat sonra nəzarət altına alınıb. Bildirilir ki, ölənlərin əksəriyyəti Nepaldan olan miqrantlardır. Ölənlərdən 1-i uşaqdır. Yaralılardan 7 nəfərinin vəziyyəti ağırdır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
