HÜSEYN CAVİDİN YARADICILIĞI AZƏRBAYCAN DRAMATURGİYASINDA YENİ MƏRHƏLƏDİR
Birliyin katibi Arif Əmrahoğlu şair-dramaturqun həyat və yaradıcılığının bəzi məqamlarını diqqətə çatdırmış və bildirmişdir ki, orta təhsilini Naxçıvanda M.T.Sidqinin “Məktəbi-tərbiyə” adlı yeni üsullu məktəbdə alan şair klassik üslubda ilk şeirlərini də “Gülçin” və “Salik” imzaları ilə məhz burada yazmış, ədəbiyyatımızda daha çox dram əsərləri ilə şöhrət tapmışdır.
Turan Cavid fondunun müdiri, şairə Kəmalə Nəsrin, filologiya elmləri doktoru Tahirə Məmmədli, Cənubi Azərbaycandan tanınmış cərrah, alim və naşir Cavad Heyət və başqaları Hüseyn Cavidin çoxşaxəli yaradıcılığından, şəxsiyyətindən ətraflı söz açmış, əsərlərində dövrün ümumbəşəri, böyük ictimai-siyasi, mədəni əhəmiyyətli problemlərinə toxunan sənətkarın Azərbaycan dramaturgiyasında yeni mərhələ açdığını, pyesləri ilə milli teatr mədəniyyətimizin inkişafına güclü təsir göstərdiyini vurğulamışlar.
Tədbirdə şairə həsr olunmuş şeirlər oxunmuşdur.
Bölmənin digər xəbərləri
