İdris İsayev: İşəgötürənlər peşə təhsili sahəsində kadr hazırlığında iştirak etməlidirlər
Bakı, 13 dekabr, AZƏRTAC
Əmək bazarı çevik sistemdir. İqtisadiyyatda baş verən dəyişikliklər əmək bazarında dərhal özünü göstərir. Təhsil sistemimiz də əmək bazarının tələblərinə uyğun olmalıdır.
AZƏRTAC xəbər verir ki, bunu jurnalistlərə müsahibəsində elm və təhsil nazirinin müavini İdris İsayev söyləyib. O bildirib ki, peşə təhsili alan tələbələrin bilik və bacarıqlar əldə etməsi istiqamətində işlər aparılmalıdır.
“İşəgötürənlərin peşə təhsili sisteminə ciddi inteqrasiyası olmalıdır. Onlar peşə təhsili prosesində, ixtisasların seçilməsində, kadr hazırlığında iştirak etməlidirlər”, - nazir müavini bildirib.
İdris İsayev peşə məktəblərində tələbələrin 90 faizinin dövlət sifarişli təhsil aldığını söyləyib. Bildirib ki, yaxın zamanda peşə təhsili haqlarının artırılması gözlənilmir.
Bölmənin digər xəbərləri
