İdxal olunan bibər toxumlarında zərərli orqanizm aşkar olunub
Bakı, 10 fevral, AZƏRTAC
Qida Təhlükəsizliyi Agentliyi ölkəyə idxal olunan qida məhsulları və fitosanitar nəzarətə aid məhsullar üzərində nəzarət tədbirlərini davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, “MK Group Agro” MMC tərəfindən İspaniya Krallığından idxal olunan 1,06 kiloqram bibər toxumuna keçirilən baxış zamanı götürülən nümunələrin müayinələri nəticəsində pomidor meyvələrinin qonur qırışıqlıq virusu aşkarlanıb.
Aşkar edilmiş faktla bağlı qanunvericiliyə uyğun müvafiq qərar qəbul olunub, zərərli orqanizmlə sirayətlənmiş əkin-səpin materialı məhv edilib.
Bölmənin digər xəbərləri
