İKİNCİ DÖVRƏ “ŞAHDAĞ” – “NEFTÇİ” OYUNU İLƏBAŞLAYACAQDIR
AZƏRTAC xəbər verir ki, fevralın 11-də ölkə futbol çempionatının ikinci dövrəsi XIV turun oyunları ilə başlayacaqdır. Həmin gün Qusarda yerli “Şahdağ” ölkə çempionu “Neftçi”ni qəbul edəcəkdir. Həmin gün daha iki oyun keçirilməli olsa da, “İnter” - “Gəncə” oyununun vaxtı ikincinin xahişi ilə qeyri-müəyyən vaxtadək təxirə salınmış, “Göyəzən” - “Gənclərbirliyi” görüşü isə fevralın 12-nə keçirilmişdir. Bu görüşlə bərabər, həmin gün “MOİK” – “MKT-Araz”, “Qarabağ” - “Turan”, “Xəzər-Lənkəran” - “Olimpik” və “Karvan” - “Bakı” oyunları olacaqdır.
Xatırladaq ki, birinci dövrədən sonra “Karvan” turnir cədvəlində liderdir. “İnter” ikinci, “Bakı” isə üçüncü yerdədir.
Bölmənin digər xəbərləri
