İmişli şəhərində evdə yanğın baş verib VİDEO
Bakı, 14 oktyabr, AZƏRTAC
Ötən gecə İmişli şəhərinin N.Nərimanov küçəsində yanğın baş verməsi barədə Fövqəladə Hallar Nazirliyinin (FHN) 112 - qaynar telefon xəttinə məlumat daxil olub.
FHN-in mətbuat xidmətindən AZƏRTAC-a bildiriblər ki, dərhal əraziyə nazirliyin Dövlət Yanğından Mühafizə Xidmətinin İmişli rayon Yanğından Mühafizə Hissəsinin qüvvələri cəlb olunub
Hadisə yerində əməliyyat şəraiti qiymətləndirilərkən yanğının vətəndaş Əliyev Həzi Nəcəfqulu oğluna məxsus beşotaqlı fərdi yaşayış evində baş verdiyi müəyyən edilib.
Yanğınsöndürmə bölmələrinin səyi ilə yanğın qısa müddətdə genişlənməsinin qarşısı alınaraq söndürülüb. Yanğın nəticəsində evin bir otağı və əşyaları, zirzəmisi qismən yanıb. Yanğınsöndürənlərin çevik müdaxiləsi sayəsində alovun evin qalan hissəsinə yayılmasının qarşısı alınıb.
Bölmənin digər xəbərləri
