İndoneziya hökuməti əcnəbilərin ölkəyə gəlişinə tətbiq olunan qadağanın müddətini uzadıb
Tokio, 22 yanvar, AZƏRTAC
İndoneziya hökuməti əcnəbilərin ölkəyə gəlişinə tətbiq olunan qadağanın müddətini fevralın 8-dək uzadıb.
AZƏRTAC yerli KİV-lərə istinadla xəbər verir ki, bu barədə İndoneziyanın iqtisadi məsələlər üzrə əlaqələndirici naziri Eyrlanqa Hartarto məlumat verib.
Xatırladaq ki, hökumətin əvvəlki qərarına görə, əcnəbilərin ölkəyə gəlişi yanvarın 28-dək dayandırılmışdı. Yalnız ölkəyə gəliş üçün aktiv icazə sahiblərinə, diplomatlara və xidməti vizası olanlara bu qadağa tətbiq edilmir.
“İndoneziya koronavirusun yayılmasının qarşısını almaq üçün xarici vətəndaşların ölkəyə gəlişinə qadağanın müddətini uzadır”, - deyə iqtisadi mələlər üzrə əlaqələndirici nazir, COVID-19 ilə bağlı tədbirlər və iqtisadiyyatın bərpası məsələləri üzrə komitənin sədri Eyrlanqa Hartarto bildirib.
Bununla yanaşı, Yava və Bali adalarında ictimai fəaliyyətə tətbiq edilən məhdudiyyətlərin müddəti də fevralın 8-dək uzadılıb.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
