İndoneziyanın “Sriwijaya Air” şirkətinə məxsus sərnişin təyyarəsi ilə əlaqə kəsilib
Tokio, 9 yanvar, AZƏRTAC
Yanvarın 9-da UTC vaxtı ilə saat 7:40 dəqiqədə İdoneziyanın “Sriwijaya Air” şirkətinə məxsus sərnişin təyyarəsi ilə əlaqə kəsilib.
AZƏRTAC xəbər verir ki, bu barədə İndoneziya Nəqliyyat Nazirliyi rəsmi bəyanat yayıb. Bildirilir ki, Cakartadan Pontianak şəhərinə uçan “Boeing 737-500” sərnişin təyyarəsi bir dəqiqə ərzində 10 min futdan çox yüksəklik itirib.
Təyyarə ilə əlaqə o, son dəfə Çenkarenqadan şimalda 11 min fut yüksəklikdə olarkən baş verib. Təyyarənin havaya qalxmasından dörd dəqiqə sonra onunla əlaqə kəsilib.
Rəsmi məlumatlara görə, təyyarənin göyərtəsində 56 sərnişin və heyət üzvü olub.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
