İnformasiya Texnologiyaları İnstitutunda dərin təlim metodları və tətbiqləri araşdırılır
Bakı, 19 iyun, AZƏRTAC
AMEA İnformasiya Texnologiyaları İnstitutunun onlayn elmi seminarı keçirilib.
Akademiyadan AZƏRTAC-a bildirilib ki, seminar “Deep learning (Dərin təlim) metodları və tətbiqləri” mövzusuna həsr olunub. İnstitutun böyük elmi işçisi Aybəniz Əliyeva dərin təlimin 1940-cı illərdə meydana gəlmiş süni neyron şəbəkələrinin təkamülünün nəticəsi olduğunu diqqətə çatdırıb. O, “Deep learning”in kateqoriyalarından bəhs edərək bildirib ki, bu metod supervizorlu, supervizorsuz və möhkəmləndirmə təlimi növlərinə ayrılır. Dərin təlimin ən geniş istifadə olunan CNN, RNN (Recurrent neural network), LSTM və TF (TensorFlow) modelləri mövcuddur.
Daha sonra məruzəçi dərin təlimin istifadə olunduğu kompüter görməsi və burada yaranan problemlər barədə məlumat verib. Bildirib ki, bu problemlərə təsvirlərin klassifikasiyası, lokallaşdırma ilə təsvirlərin klassifikasiyası, obyektlərin aşkarlanması, seqmentləşdirilməsi və s. aiddir.
Sonra məruzə ətrafında müzakirələr aparılıb, suallar cavablandırılıb.
Bölmənin digər xəbərləri
