İNGİLİSLƏR “DA VİNÇİNİN KODU”NA İNCİLDƏN ÇOX İNANIRLAR

18.05.2006 [20:30]
Çap et
A⁺ A^-

Den Braunun “Da Vinçinin kodu” romanını oxuyan britaniyalıların üçdə iki hissəsi inanır ki, İsanın və Mariya Maqdalinanın uşağı olmuşdur. AZƏRTAC xəbər verir ki, ictimai rəy sorğusunun kilsə üçün gözlənilməz nəticələrini “Teleqraf” qəzeti dərc etmişdir.

İştirakçıların 27 faizi güman edir ki, katolik kilsəsi İsanın həyatı barədə məlumatı gizlədir.

Sorğu göstərir ki, Braunun kitabı ənənəvi xristian ehkamlarına münasibəti güclü şəkildə sarsıtmışdır. Müəyyən edilmişdir ki, “Da Vinçinin kodu” romanını britaniyalıların 20 faizindən çoxu oxumuşdur.

Britaniya katolikləri Braunu “nadürüst marketinq”də təqsirləndirir və romanın əsasında çəkilmiş filmin əvvəlinə “sağlamlıq üçün təhlükəlidir” sözləri yazılmasını tələb edirlər.

Suriya, İordaniya, Livan və Misirdə bu filmin göstərilməsi qadağan olunmuşdur.