İngiltərəli deputat: Azərbaycanın müstəqilliyinin əbədi olmasını arzulayıram
London, 30 may, AZƏRTAC
Azərbaycanın müstəqilliyinin əbədi olmasını arzulayıram.
Bu sözləri Böyük Britaniya parlamentində Azərbaycan üzrə Qrupun sədri, deputat Bob Bləkmən AZƏRTAC-ın müxbirinə verdiyi müsahibəsində deyib.
“Azərbaycan xalqını və rəhbərliyini Müstəqillik Günü münasibətilə təbrik edirəm və 30 ildir ki, aramızda qurulan münasibətlərin bundan sonra da yüksələn xətlə inkişaf edəcəyinə ümid edirəm. Bilirsiniz ki, Azərbaycan və Böyük Britaniya arasında münasibətlər bütün istiqamətlərdə, o cümlədən enerji sahəsində uğurla inkişaf edir. Bu sahədə BP-nin Azərbaycandakı fəaliyyəti xüsusi yer tutur. Bütün bunlar iki ölkə arasındakı münasibətlərin genişlənməsinə xidmət edir. Həmçinin Böyük Britaniya şirkətləri işğaldan azad edilmiş ərazilərinizdə həyata keçirilən layihələrdə iştiraka böyük maraq göstərir. Biz o ərazilərin yenidən qurulmasında maraqlı olan ölkələrdənik”.
Deputat, həmçinin “Vindzor Kral Atçılıq Şousunda” Kraliça II Elizabetə hədiyyə edilən möhtəşəm ata görə Azərbaycan Prezidenti İlham Əliyevə təşəkkürünü bildirib və bunun əvəzsiz hədiyyə olduğunu söyləyib.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
