İnnovasiya və rəqəmsallaşmada gender bərabərliyi mövzusunda konfrans keçiriləcək
Bakı, 28 fevral, AZƏRTAC
Martın 6-da Böyük Britaniya və İsveç səfirliyi tərəfindən dəstəklənən Beynəlxalq Qadınlar Gününə həsr olunmuş “DigitALL: İnnovasiya və rəqəmsallaşmada gender bərabərliyi” konfransı İKT, rəqəmsallaşma və innovasiya sahəsinə marağı olan gənc qadın liderləri ruhlandırmaq və məlumatlandırmaq, onlara stereotipləri qırmaq və işlərində gender bərabərliyinə nail olmaq üçün lazım olan bacarıq, bilik və resursları təmin etmək məqsədilə “Gender Hub Azərbaycan”ın təşkilatçılığı ilə həyata keçiriləcək.
“Gender Hub Azərbaycan”dan AZƏRTAC-a bildiriblər ki, konfrans Azərbaycanda rəqəmsal transformasiyanı təbliğ edən qadın liderləri, Bakı və regionlardan olan 40 gənc qızı və ya qadını, gender fəallarını və vətəndaş icmalarının təmsilçilərini bir araya gətirəcək.
İştirakçılar vorkşoplara qatılma, digər qadın liderlərlə netvörkinq yaratma fürsəti əldə edəcək, eyni zamanda rəqəmsallaşma sahəsində gender əsaslı stereotiplərin qırmağa davam etmək və rəqəmsal vasitələrlə yaradılan gender əsaslı zorakılığa qarşı birləşmək üçün ilhamlanacaqlar.
Bölmənin digər xəbərləri
