İnzibati idarəetmənin səmərəliliyinin artırılması ilə bağlı tədqiqatlar aparılır
Bakı, 26 dekabr, AZƏRTAC
Elm və Təhsil Nazirliyinin İnformasiya Texnologiyaları İnstitutunda “Elektron dövlət 4.0” platformasında inzibati idarəetmənin iyerarxik sisteminin səmərəliliyinin artırılması ilə bağlı tədqiqatlar aparılır.
AZƏRTAC xəbər verir ki, bu barədə institutun şöbə müdiri texnika üzrə fəlsəfə doktoru Gülnarə Nəbibəyova məlumat verib.
G.Nəbibəyova cari ildə “Elektron dövlət 4.0” platformasında inzibati idarəetmənin iyerarxik sisteminin səmərəliliyinin artırılması üçün intellektual metodların və alqoritmlərin hazırlanması ilə bağlı tədqiqatların aparıldığını qeyd edib. Bildirib ki, bu mövzu üzrə OLAP əsaslı paylanmış elektron sistemlərinin informasiya təhlükəsizliyinin təmin edilməsi üçün blokçeyn texnologiyası, e-dövlət platformasında paylanmış smart OLAP sisteminin arxitektur-texnoloji modeli işlənilib, eləcə də neyron şəbəkələrin istifadəsi ilə OLAP texnologiyanın intellektual imkanları araşdırılıb.
Bölmənin digər xəbərləri
