“İpək yolu - mədəniyyətlərin kəsişməsində Azərbaycan” elmi almanaxı nəşrə hazırlanıb
Bakı, 22 aprel, AZƏRTAC
AMEA Fəlsəfə İnstitutunun direktoru, professor İlham Məmmədzadənin rəhbərliyi və elmi redaktorluğu ilə “İpək yolu—mədəniyyətlərin kəsişməsində Azərbaycan” adlı əhatəli elmi almanax üzərində iş başa çatdırılıb. Şərait imkan verərsə, may ayında həmin kitab nəşr ediləcək. Bu barədə AZƏRTAC-a institutdan bildirilib.
Almanaxda institutun yaxından elmi əməkdaşlıq etdiyi Çin, Rusiya, İtaliya, Fransa, Özbəkistan tədqiqatçılarının da məqalələri yer alıb. Bundan başqa, institutda “Heydər Əliyevin “Bir millət, iki dövlət” konsepsiyasının fəlsəfəsi” monoqrafiyası üzərində iş davam etdirilir. Bu ilin payızında əsərin tamamlanaraq nəşr edilməsi nəzərdə tutulur.
Bölmənin digər xəbərləri
