İrakli Kobaxidze: QHT-lərlə bağlı maliyyə məsələləri əvvəldən axıra qədər şəffaf olmalıdır
Tbilisi, 19 fevral, AZƏRTAC
QHT-lər xarici ölkənin daxili işlərinə müdaxilə etmək üçün siyasi alətdir. Buna görə də QHT-lərlə bağlı maliyyə məsələləri əvvəldən axıra qədər şəffaf olmalıdır və bu, Gürcüstan hökuməti tərəfindən təmin edilir.
AZƏRTAC xəbər verir ki, bu sözləri Gürcüstanın Baş naziri İrakli Kobaxidze söyləyib.
Onun sözlərinə görə, siyasəti maliyyələşdirmək üçün xaricdən ölkəyə heç bir vəsait gəlməməlidir: “Avropa ölkələri hazırda bu mövzuda fəal müzakirələr aparırlar”.
Baş nazir deyib ki, QHT-lərlə bağlı maliyyə məsələləri əvvəldən sona qədər şəffaf olmalıdır və bunu bütün Avropa İttifaqında təmin etmək vacibdir: “Bunun üçün QHT-lər bir fenomen kimi yaradılıb və bütün bunları düzgün tənzimləmək vacibdir. Siyasəti maliyyələşdirmək üçün ölkə xaricindən heç bir vəsait ölkəyə daxil olmamalıdır”.
"Hazırda Avropa İttifaqında bunu fəal şəkildə müzakirə edirlər. Belə bir qanunvericiliyin mövcudluğu Avropa İttifaqı üçün də vacibdir. Heç kim başqasının siyasi həyatına qarışmamalıdır", - deyə Baş nazir bildirib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
