İran, Rusiya və ərəb ölkələrinin bir qrup vətəndaşı ABŞ-dan deportasiya edilib
Bakı, 8 dekabr, AZƏRTAC
İran, Rusiya və adları açıqlanmayan ərəb ölkələrinin bir qrup vətəndaşı ABŞ-dan deportasiya edilib.
AZƏRTAC xəbər verir ki, bu barədə “New York Times” nəşri İranın rəsmi şəxslərinə istinadla məlumat yayıb.
“Tramp administrasiyası bazar günü 50-yə yaxın İran vətəndaşını, həmçinin ərəb ölkələri və Rusiya vətəndaşlarını çarter reysi ilə ölkədən çıxarıb. Arizona ştatından havaya qalxan təyyarə Misirdə və Küveytdə dayanacaq”, - deyə qəzet yazıb.
Qəzetin həmsöhbətlərindən birinin sözlərinə görə, ərəblər və ruslar Qahirədə, iranlılar isə Küveytdə təyyarədən endiriləcək.
İlk belə deportasiya sentyabrın sonunda baş vermişdi. O vaxt “New York Times” 100-ə yaxın iranlının ABŞ-dan deportasiya ediləcəyi barədə məlumat yaymışdı. İran tərəfi də öz növbəsində bu məlumatı təsdiqləmişdi.
Bölmənin digər xəbərləri
