İran XİN: Müasir dünyada insan hüquqlarından sui-istifadə edilir
Tehran, 19 noyabr, AZƏRTAC
İranda insan hüquqlarının vəziyyətinə dair Kanadanın təqdim etdiyi qətnamə layihəsi yalan və uydurma faktlara əsaslanaraq yazılıb və heç bir reallığı əks etdirmir.
AZƏRTAC xəbər verir ki, bu sözləri İranın Xarici İşlər Nazirliyinin mətbuat katibi Səid Xətibzadə deyib. O bildirib ki, dünyada ikili standartlar siyasəti mövcuddur və bəzi dövlətlərin insan hüquqları haqqında irəli sürdükləri iddialar bu siyasətin nəticəsidir. Təəssüf ki, müasir dünyada bir sıra dövlətlər insan hüquqlarını özlərinin siyasi ambisiyalarına uyğun şəkildə qabardır və ondan faydalanmağa çalışırlar. İnsan hüquq və azadlıqlarının qorunmasından çox, ondan sui-istifadə edirlər.
Qeyd edək ki, Kanada İranda insan hüquqlarının pozulmasına dair BMT-yə qətnamə layihəsi təqdim edib. Ötən gün qətnamə layihəsi BMT-də ümumi səsverməyə çıxarılıb. Səsvermədə 8 dövlət istisna olmaqla, qalan 114 üzv dövlət qətnamənin əleyhinə səs verib, yaxud səsvermədə iştirak etməyib. Beləliklə, qətnamə qəbul edilməyib.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
