İranda koronavirusdan ölənlərin sayı 45 mini ötüb
Tehran, 23 noyabr, AZƏRTAC
Noyabrın 23-nə olan məlumata əsasən İranda 12 min 460 nəfər koronavirusa yoluxub, 453 nəfər isə həyatını itirib.
AZƏRTAC xəbər verir ki, bu barədə məlumatı İran Səhiyyə Nazirliyinin mətbuat katibi Səadət Sima Lari verib. Bununla da İranda virusa yoluxanların ümumi sayı 866 min 821, bu xəstəlikdən ölənlərin sayı isə 45 min 255-ə yüksəlib.
Xüsusi xəstəxanalarda müalicəsini davam etdirən 5 min 812 nəfərin vəziyyəti ağır olaraq qalır. Müalicəsi uğurla bitən 610 min 406 nəfər isə sağalaraq evə buraxılıb.
Qeyd edək ki, noyabrın 21-dən başlayaraq İranda 2 həftəlik sərt karantin rejimi tətbiq edilib. Bazarlar, ticarət mərkəzləri, ictimai iaşə obyektləri, şəhərlərarası avtobus marşrutlarının, eləcə də orta məktəblərin fəaliyyəti dayandırılıb.
İranda hazırlanan peyvənd Ümumdünya Səhiyyə Təşkilatına təqdim olunub.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
