İranda koronavirusdan ölənlərin sayı azalır
Tehran, 8 yanvar, AZƏRTAC
İranda koronavirusa yoluxaraq ölənlərin sayında azalma davam edir.
AZƏRTAC xəbər verir ki, bu barədə İranın Səhiyyə Nazirliyinin açıqlamasında deyilir. Nəzərə çatdırılır ki, son 24 saat ərzində ölkədə 6 min 251 nəfər koronavirusa yoluxub, 85 nəfər isə həyatını itirib. Bununla da İranda koronavirusa yoluxanların ümumi sayı 1 milyon 274 min 514 nəfərə, bu xəstəlikdən ölənlərin sayı isə 56 min 18-ə çatıb.
Xüsusi xəstəxanalarda müalicə alan 4 min 729 xəstənin vəziyyəti ağır olaraq qalır. Eyni zamanda 1 milyon 58 min 654 nəfər müalicə alaraq sağalıb.
Bu gün televiziya ilə çıxış edən İranın Ali Rəhbəri Seyid Əli Xamneyi ABŞ və Böyük Britaniya istehsalı olan peyvəndlərin ölkəyə gətirilməsini qadağan edib.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
