İranın Mehr xəbər agentliyi 20 Yanvar faciəsi haqqında məlumat və fotosessiya yaymışdır
Tehran, 21 yanvar (AZƏRTAC). İranın Mehr xəbər agentliyi 20 Yanvar faciəsinin 24-cü ildönümü ilə əlaqədar Azərbaycan Respublikasının İrandakı səfirliyində təşkil olunmuş mərasimdən geniş məlumat və fotosessiya yaymışdır (http://mehrnews.com/detail/News/2218002, http://mehrnews.com/detail/Photo/2217987#ad-image-0).
Məlumatda 1990-cı il yanarın 19-dan 20-nə keçən gecə sovet rejimi rəhbərlərinin ədalətsiz qərarları əsasında Azərbaycan xalqına qarşı törədilmiş hərbi cinayətin siyasi məqsədlərindən, ağır nəticələrindən, dinc əhalinin qarşılaşdığı dəhşətlərdən bəhs edilir. Bildirilir ki, 20 Yanvar hadisələri Azərbaycan xalqının milli azadlıq mübarizəsi tarixinə parlaq səhifə kimi daxil olmuşdur. Azərbaycan xalqı özünün qəhrəman övladları ilə öyünür və onların əziz xatirəsini həmişə uca tutur.
Sabir Şahtaxtı
AZƏRTAC-ın xüsusi müxbiri
Tehran
Bölmənin digər xəbərləri
