İraq mətbuatı Azərbaycanın Müstəqillik Gününə dair geniş məqalə yayıb
Bağdad, 30 may, AZƏRTAC
İraq mətbuatında 28 May - Müstəqillik Günü ilə əlaqədar materiallar dərc olunub.
AZƏRTAC xəbər verir ki, İraqın “Mustaqbil”, “Aqnaden”, “Noyrouz”, “Anbaaiq”, “Alnahar”, “Almawrid” və digər internet resurslarında Azərbaycan-İraq Dostluq Cəmiyyətinin sədri professor Moataz Əbdülhəmidin məqaləsi yerləşdirilib.
Nəzərə çatdırılıb ki, hələ ötən əsrin əvvəllərində Azərbaycan müstəqil dövlət yaradaraq demokratik respublika qurub. Bu gün demokratik ənənələri davam etdirən Azərbaycan dünyanın dinamik inkişaf edən dövlətlərindən birinə çevrilib. Azərbaycan xalqının ümummilli lideri Heydər Əliyev 1993-cü ildə xalqın təkidli tələbi ilə hakimiyyətə qayıtdıqdan sonra ölkə inkişaf yoluna qədəm qoydu. Qərb dövlətləri ilə səmərəli iqtisadi əməkdaşlıq quran Heydər Əliyev Azərbaycana investisiya axınını təmin etdi. Hazırda Azərbaycan dünya bazarına neft və qaz çıxararaq irəliyə doğru addımlayır.
Ulu öndər Heydər Əliyevin siyasi kursunu davam edən Prezident İlham Əliyev Azərbaycanı daha da gücləndirərək Ermənistan tərəfindən işğal edilən torpaqlarımızı geri alıb. Azərbaycan Ordusu 44 gün davam edən Vətən müharibəsində şücaət göstərərək qalib gəldi və işğalçılar qovuldu.
Bu gün azad edilən ərazilərdə möhtəşəm quruculuq işləri həyata keçirilir. Qalib Azərbaycan xalqı gələcəyə ümidlə baxaraq dövlətinin yanındadır.
Rabil Kətanov
AZƏRTAC-ın xüsusi müxbiri
Bağdad
Bölmənin digər xəbərləri
