İslam Həmrəyliyi Oyunlarının qalibi olmuş basketbolçu “Naxçıvan”da işləyəcək
Bakı, 2 sentyabr, AZƏRTAC
Bir neçə gün əvvəl karyerasını bitirən Azərbaycan millisinin sabiq basketbolçusu Zaur Paşayev məşqçiliyə davam edəcək.
Bu barədə AZƏRTAC-a danışan veteran oyunçu Azərbaycan Basketbol Liqasında mübarizə aparan “Naxçıvan” komandasının məşqçilər korpusunda işləyəcəyini deyib: “Əgər hər hansı problem olmasa, yeni mövsümdə “Naxçıvan”da olacağam. Yəqin ki, 1 il baş məşqçinin köməkçisi kimi fəaliyyət göstərəcəyəm. Hədəfim yaxşı təcrübə qazanıb, daha böyük yerlərdə işləməkdir”.
Qeyd edək ki, Zaur Paşayev karyerası ərzində “NTD-Devon”, “Qala”, “NTD- Tbilisi” (Gürcüstan), “Araz-NTD”, “Kutaisi” (Gürcüstan), “Cəlilabad” və “Quba” kimi komandaların formasını geyinib. O, iki dəfə İslam Həmrəyliyi Oyunlarında qızıl medal qazanıb.
Müxbir – Cavid Əliyev
Bölmənin digər xəbərləri
