İsrail dəniz suyunun şirinləşdirilməsi sahəsində təcrübəsini Azərbaycanla bölüşməyə hazırdır
Təl-Əviv, 2 noyabr (AZƏRTAC). İsrail dəniz suyunun təmizlənməsi sahəsində təcrübəsini Azərbaycanla bölüşməyə və ən müasir texnologiyalar təqdim etməyə hazırdır.
AZƏRTAC-ın xüsusi müxbiri xəbər verir ki, bu barədə azərbaycanlı jurnalistlərə İsrail Suyun Təmizlənməsi Mərkəzində məlumat vermişlər.
Bildirilmişdir ki, hazırda İsraildə istehlak edilən içməli suyun xeyli hissəsi dəniz suyunun şirinləşdirilməsi yolu ilə alınır. Bundan əlavə, Təl-Əvivin çirkab suları təmizlənir, sonra dənizə və səhraya axıdılır, habelə kənd təsərrüfatı bitkilərinin süni suvarılmasına sərf olunur.
Mərkəzdən bildirmişlər ki, bu texnologiyalardan bir çox Avropa ölkələrində istifadə olunur. İsrail bu sahədəki təcrübəsini Azərbaycanla bölüşməyə hazırdır.
Albina Atlıxanova
AZƏRTAC-ın xüsusi müxbiri
Təl-Əviv
Bölmənin digər xəbərləri
