İsraildə kiberhücumlarla bağlı hesabatlarda 55 faiz artım qeydə alınıb
Bakı, 26 fevral, AZƏRTAC
İsrail Milli Kiber İdarəsi 2025-ci ildə ölkədə kiberhücumlarla bağlı hesabatların sayında 55 faiz artım qeydə alındığını açıqlayıb. Bu, ölkənin rəqəmsal infrastrukturuna qarşı təhdidlərin artdığını göstərir.
AZƏRTAC İsrailin TPS-IL informasiya agentliyinə istinadla xəbər verir ki, qurumun illik hesabatında ötən il ərzində xəstəxanalardan proqram təminatçılarına qədər müxtəlif təşkilatlara qarşı hədəfli hücumların artdığı bildirilir. Qaynar xətt mərkəzinə il ərzində təxminən 26 min 500 müraciət daxil olub ki, bu da əvvəlki illə müqayisədə 55 faiz çoxdur.
Məlumata görə, qeydə alınan halların yarıdan çoxunu fişinq hücumları təşkil edib. Bununla yanaşı, sosial media hesablarının sındırılması, kompüter sistemlərinə müdaxilə və psixoloji təsir kampaniyaları da geniş yayılıb. Hücumların pik həddi iyun ayında müşahidə olunub.
Bölmənin digər xəbərləri
