İsraildə Ümummilli Liderin xatirəsi anılıb
Bakı, 8 may, AZƏRTAC
Azərbaycanın İsraildəki səfirliyində Ümummilli Lider Heydər Əliyevin doğum gününə həsr olunmuş tədbir keçirilib.
Səfirlikdən AZƏRTAC-a bildirilib ki, səfir Muxtar Məmmədov tədbirdə çıxış edərək Ulu Öndər Heydər Əliyevin Azərbaycanın müstəqilliyinin və dövlətçiliyinin qorunub saxlanması uğrunda apardığı müdrik siyasət və misilsiz işlər haqqında danışıb, iqtisadi, təhsil, sosial və mədəni sahələrdə görülmüş böyük işləri, gənclərə və təhsilə diqqəti xüsusi vurğulayıb.
Tədbirdə Heydər Əliyevin təşəbbüsü nəticəsində şəhərsalma və memarlıq sahəsində Azərbaycanda görülmüş işlər barədə videoçarx nümayiş etdirilib.
Sonda qonaqlara bu ay ölkəmizin ev sahibiliyi edəcəyi Ümumdünya Şəhərsalma Forumunun 13-cü Sessiyası (WUF13) haqqında məlumat verilib.
Bölmənin digər xəbərləri
