İstanbulda beynəlxalq cinayətkar qruplaşma zərərsizləşdirilib VİDEO
İstanbul, 2 noyabr, AZƏRTAC
Türkiyə polisinin İstanbulda keçirdiyi əməliyyat nəticəsində beynəlxalq mütəşəkkil cinayət qruplaşması “Comanchero”nun Türkiyə qolu zərərsizləşdirilib.
AZƏRTAC xəbər verir ki, bu barədə Türkiyənin daxili işlər naziri Ali Yerlikaya bildirib. Nazirin sözlərinə görə, “Qəfəs” adı verilən əməliyyat zamanı cinayətkar təşkilatın üzvü olmaqda şübhəli bilinən 37 nəfər yaxalanıb. Saxlanılanlar arasında beynəlxalq axtarışda olan, təşkilatın Türkiyə üzrə məsul üzvü Hakan Ayık da var.
Avstraliya mərkəzli təşkilatın beynəlxalq narkotik vasitə ticarəti, qətllər, silahlı talançılıq, insan oğurluğu kimi təhlükəli cinayətlərlə məşğul olduğu bildirilir.
Təşkilat üzvlərinə aid bank hesablarda olan ümumilikdə 4,5 milyard türk lirəsi müsadirə olunub.
Bölmənin digər xəbərləri
