İstanbulda polis məntəqəsinə hücum edən daha 3 nəfər bu gün hakim qarşısına çıxarılır
İstanbul, 13 aprel, AZƏRTAC
Aprelin 7-də İsrailin Türkiyənin İstanbul şəhərindəki Baş konsulluğunun yerləşdiyi “Yapı Kredi Plaza”nın qarşısındakı polis məntəqəsinə edilən terror hücumu ilə bağlı daha 3 nəfər bu gün hakim qarşısına çıxarılır.
AZƏRTAC xəbər verir ki, İstanbul Baş Prokurorluğu tərəfindən faktla bağlı istintaq davam etdirilir.
Araşdırma çərçivəsində saxlanılan 6 şübhəlidən 3-nün polis idarəsindəki prosedurları tamamlanıb və onlar İstanbulun Çağlayan Ədliyyəsinə göndəriliblər.
Hadisə zamanı yaralanan iki terrorçunun müalicəsi, bir şübhəlinin isə polis idarəsindəki prosedurları davam edir.
Qeyd edək ki, istintaq çərçivəsində aprelin 11-də hakim qarşısına çıxarılan 12 şübhəlidən 9-u həbs edilib, 2-si barəsində məhkəmə nəzarəti tədbiri tətbiq olunub. Şübhəlilərdən biri prokurorluqdakı prosedurlarından sonra sərbəst buraxılıb.
Bölmənin digər xəbərləri
