İsveçdə ifrat sağçılar yürüş keçirib, saxlanılanlar var
Stokholm, 7 dekabr, Nərgiz Cəfərli, AZƏRTAC
15 illik fasilədən sonra İsveçin Salem şəhərində yenidən genişmiqyaslı polis əməliyyatı və toqquşmalarla müşayiət olunan ifrat sağçıların yürüşü keçirilib.
AZƏRTAC xəbər verir ki, yürüş 2000-ci ildə Salemdə qətlə yetirilən və sonradan ekstremistlər tərəfindən simvola çevrilən “ağ güc” mühiti ilə əlaqəli olan 17 yaşlı oğlan Daniel Vretströmun xatirəsinə yenidən başladılıb.
İştirakçılar əllərində məşəllərlə əvvəlcə Rönninge meydanına toplaşıblar. Bəziləri polis kordonlarını keçməyə çalışıb. Məlumata görə, gözyaşardıcı qazından istifadə olunub. Toqquşmada bir polis xəsarət alıb, 15 nəfər isə saxlanılıb.
2 minə qədər insanın iştirakı ilə tədbirin keçirilməsinə icazə verilsə də, iştirakçıların sayı xeyli az olub — təxminən 250 nəfər.
Baş nazir Ulf Kristersson hadisəni kəskin qınayıb: “Nasizm və sağ ekstremizmə ölkəmizdə yer yoxdur. Bu, azadlığa, bərabərliyə və demokratiyaya ziddir”.
Bölmənin digər xəbərləri
