İtaliya millisi özünə məxsus rekordu yeniləyib
Bakı, 9 sentyabr, AZƏRTAC
Futbol üzrə İtaliya millisi məğlubiyyətsiz oyunlar seriyasını uzadıb.
AZƏRTAC xəbər verir ki, İtaliya yığması buna ötən gün dünya çempionatının seçmə mərhələsi çərçivəsində Litvanı 5:0 hesabı ilə məğlub etdikləri matçda nail olub. Beləliklə, Roberto Mançinin komandası məğlubiyyətsiz oyunlar seriyasını 37-yə çatdırıb və öz dünya rekordunu yeniləyib. Yığma son dəfə 2018-ci ilin sentyabr ayında Millətlər Liqasında Portuqaliyaya uduzub (0:1).
İtaliya millisinin bunadək ən yaxşı göstəricisi 1935-1939-cu illərdə Vittoro Pozzonun baş məşqçiliyi altında 30 matçlıq məğlubiyyətsiz oyunlar seriyası olub.
Qeyd edək ki, İtaliya millisi ötən tur ardıcıl 36-cı matçında uduzmamaqla Braziliyaya və İspaniyaya məxsus 35 oyunluq dünya rekordunu qırıb.
Bölmənin digər xəbərləri
