İtaliya səfirliyi ilə Tərcümə Mərkəzi arasında əməkdaşlıq məsələləri müzakirə olunub
Bakı, 28 oktyabr, AZƏRTAC Nazirlər Kabineti yanında Tərcümə Mərkəzinin direktoru Afaq Məsud İtaliya Respublikasının Azərbaycandakı fövqəladə və səlahiyyətli səfiri Ciampaolo Kutillo ilə görüşüb.
Görüşdə İtaliya səfirliyi ilə Tərcümə Mərkəzi arasında qarşılıqlı əməkdaşlıq, ədəbiyyatlararası mübadilə, tərcümə və nəşr məsələləri, həmçinin italyan dilinin ölkədə aktuallığı və tədrisi əsas müzakirə mövzusu olub.
Həmçinin Mərkəzin dekabrın 4-7-də İtaliyanın Roma şəhərində keçiriləcək Beynəlxalq Kitab Sərgisində iştirakı, İtaliya ədəbiyyatının Azərbaycan dilinə, Azərbaycan ədəbiyyatının isə italyan dilinə tərcüməsi məsələləri ətrafında fikir mübadiləsi aparılıb.
Bölmənin digər xəbərləri
