İtaliyanın sabiq Baş Naziri Silvio Berluskoni koronavirus diaqnozu ilə xəstəxanaya yerləşdirilib
Bakı, 4 sentyabr, AZƏRTAC
İtaliyanın sabiq Baş Naziri Silvio Berluskoni koronavirus diaqnozu ilə xəstəxanaya yerləşdirilib.
AZƏRTAC Rai News 24 telekanalına istinadla xəbər verir ki, Silvio Berluskoni Milan şəhərində yerləşən “San Raffaele” xəstəxanasına analiz vermək üçün gətirilib. Hazırda 83 yaşlı siyasətçinin həyatı üçün heç bir təhlükə yoxdur.
Bir müddət öncə Silvio Berluskoni koronavirus infeksiyasına yoluxduğunu, lakin özünü yaxşı hiss etdiyini demişdi. O, xəstəxanaya aparılmadan öncə Arkore şəhərindəki iqamətgahında karantin rejimində qalırdı.
Bölmənin digər xəbərləri
