İyulun 30-da ilk dəfə Beynəlxalq Dostluq Günü qeyd edilir
Bakı, 30 iyul (AZƏRTAC). İyulun 30-da ilk dəfə olaraq Beynəlxalq Dostluq Günü qeyd edilir. Dostluq Günü BMT-nin Baş Assambleyası tərəfindən 2011-ci il mayın 4-də təsis edilmişdir.
Baş Assambleya xalqlar, ölkələr, mədəniyyətlər və ayrı-ayrı şəxslər arasında dostluğun, sülhün təmin edilməsi üçün səy göstərməyə ruhlandıra biləcəyini vurğulayaraq BMT üzvü olan dövlətlərə bu nəcib hissi fəal təbliğ etməyi təklif etmişdir.
Assambleya BMT üzvü olan dövlətlərə müraciətlə, Beynəlxalq Dostluq Gününü öz mədəni adət və ənənələrinə uyğun olaraq lazımi qaydada, o cümlədən ictimaiyyətin maarifləndirilməsi və onun məlumatının artırılmasına yönəlmiş tədbirlər vasitəsilə qeyd etməyə çağırmışdır.
Bölmənin digər xəbərləri
