JURNALIN YENİ NÖMRƏSİ
“Azərbaycan qadını” jurnalının 5-6-cı qoşa nömrəsi çapdan çıxmışdır.
Üz qabığında görkəmli oftalmoloq, tibb elmləri doktoru, gözəl insan Zərifə xanım Əliyevanın şəkli verilmiş bu nömrə jurnalın baş redaktoru, Prezidentin icra aparatının humanitar siyasət şöbəsinin müdiri Fatma Abdullazadənin “Yaratmaq və yaşatmaq borcu” sərlövhəli yazısı ilə başlayır. Sonrakı səhifələrdəki “İnam, ümid və sevgi” kimi poetik bir sərlövhə seçilmiş yazı mərhum Zərifə xanım Əliyevanın işıqlı xatirəsinə həsr olunmuşdur.
Bu nömrədə Qadın Problemləri üzrə Dövlət Komitəsinin sədri Zəhra Quliyevanın, Ali Məhkəmənin sədri Südabə Həsənovanın, mədəniyyət nazirinin müavini Sevda Məmmədəliyevanın ölkəmizin dövlət müstəqilliyinin on illiyi ilə əlaqədar jurnalın əməkdaşının sualına cavabları dərc olunmuşdur.
Oxucular istedadlı müğənni, xalq mahnıları və muğamlarımızın gözəl ifaçısı Mələkxanım Əyyubova, Moskva Böyük Teatrının solisti Tamara Sinyavskaya, Bakının Nizami rayonundakı 7 nömrəli doğum evinin baş həkimi, tibb elmləri namizədi Leyla Seyidbəyova ilə müsahibələrlə, qadınlar üçün faydalı məsləhətlərlə, moda nümunələri ilə tanış ola biləcəklər.
Bölmənin digər xəbərləri
