“JURNALİSTLƏRİN YAY MƏKTƏBİ” BAŞA ÇATMIŞDIR
Bakı, 2 avqust (AZƏRTAC). “EKO-2010 “Gənclər Koalisiyası” “Yaşıl turizm hədəfimizdir” adlı layihəsi çərçivəsində həyata keçirdiyi Milli mətbuat günü ilə əlaqədar jurnalistlərin məqalə müsabiqəsinin qalibləri Nabranda “Jurnalistlərin Yay Məktəbi”ndə iştirak etmişlər.
Burada onlar ətraf mühitin ekoloji vəziyyəti ilə bağlı monitorinqlər aparmışlar. Monitorinqlər həm dəniz kənarı, həm də meşə massivini əhatə etmişdir. “Yay Məktəbi” çərçivəsində jurnalistlərin yerli mütəxəssis və sakinlərlə görüşləri təşkil olunmuş, mətbuat nümayəndələrinin sualları cavablandırılmışdır.
Bundan əlavə, “Jurnalistlərin Yay Məktəbi”nin təşkil olunduğu müddətdə KİV nümayəndələri həmin regionda ətraf mühitlə, ekologiyanın qorunması ilə bağlı aparılan işlərlə yaxından tanış olmuş, aparılan müşahidələr əsasında regionda ekoloji vəziyyət müzakirə obyektinə çevrilmişdir.
Bölmənin digər xəbərləri
