Kaşağan qaz emalı zavodu layihəsi praktiki icra mərhələsinə qədəm qoyub
Astana, 12 iyun, AZƏRTAC
Kaşağan yatağında ildə 2,5 milyard kubmetr qaz istehsal gücünə malik qaz emalı zavodunun tikintisi layihəsi praktiki icra mərhələsinə qədəm qoyub.
AZƏRTAC Qazaxıstan Energetika Nazirliyinə istinadla xəbər verir ki, bu məsələ energetika naziri Yerlan Akkenjenovun sədrliyi ilə keçirilən iclasda müzakirə olunub.
Qeyd olunur ki, hazırda Kaşağanda ildə 1 milyard kubmetr qaz istehsal gücünə malik digər qaz emalı zavodunun tikintisi də davam edir.
Müşavirədə “QazaqGaz” MŞ ASC, digər şirkətlərin səhmdarları və layihədə iştirak edən təşkilatların nümayəndələri iştirak ediblər.
İştirakçılar layihənin hazırkı vəziyyətini, maraqlı tərəflər arasında koordinasiya məsələlərini və obyektin vaxtında istifadəyə verilməsini təmin etmək üçün tədbirləri müzakirə ediblər.
Nazirlik layihənin ölkənin qaz sənayesinin inkişafı üçün strateji əhəmiyyət kəsb etdiyini qeyd edib. Qazaxıstan hökumətinin qərarı ilə layihənin EPC podratçısı qismində “China National Chemical Engineering Sixth Construction Company Kazakhstan Branch” və “China Wuhuan Engineering Corporation Ltd.” şirkətlərindən ibarət konsorsium təyin edilib.
Bölmənin digər xəbərləri
