KEÇMİŞ MƏZUN NYU-YORK UNİVERSİTETİNƏ 30 MİLYON DOLLAR HƏDİYYƏ ETMİŞDİR

15.09.2006 [21:05]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Nyu-York Universitetinin keçmiş məzunu doğma təhsil ocağına 30 milyon dollar hədiyyə etmişdir. Bu, ali məktəbin tarixində ən böyük hədiyyədir.

Böyük uğurlar qazanan maliyyə və investisiya analitiki, təxminən 12 milyard dollar aktivi olan şirkətin sahibi Vilyam Makoley universitet diplomu almasının 40-ci ildönümü ilə əlaqədar belə səxavət göstərmişdir.

Milyarder ona verdiyi təhsilə görə öz ali məktəbinə təşəkkürünü bildirmiş və gəncləri yaxşı oxumağa çağırmışdır.

Universitet öz məzununun bu ianəsinə Manhettendə 19 kollecindən biri üçün beşmərtəbəli “qotik üslublu imarət” ala biləcəkdir.

Nyu-York Universitetinin himayəsi ilə cəmi 400 min tələbə təhsil alır.