Kərim Benzema UEFA Çempionlar Liqasında yeni uğura imza atıb
Bakı, 7 aprel, AZƏRTAC
İspaniyanın “Real Madrid” klubunun futbolçusu Kərim Benzema UEFA Çempionlar Liqasında yeni uğura imza atıb.
AZƏRTAC Beynəlxalq Futbol Tarixi və Statistikaları Federasiyasının rəsmi saytına istinadla xəbər verir ki, 35 yaşlı hücumçu buna İngiltərədə “Çelsi”yə 3:1 hesabı ilə qalib gəldikləri dörddəbir final mərhələsinin ilk oyununda het-trik etməklə nail olub.
Fransalı forvard qitənin bir nömrəli klub turnirində ardıcıl iki matçda 3 qol vuran 4-cü oyunçudur. Daha əvvəl 2014-cü ildə Luis Adriano, 2016-cı ildə Lionel Messi, 2017-ci ildə isə Kriştianu Ronaldu buna müvəffəq olub.
Bundan əlavə, Kərim Benzema Çempionlar Liqasında (Çempionlar Kuboku) "Çelsi"yə qarşı het-trik edən ilk oyunçu kimi də tarixə düşüb.
Bölmənin digər xəbərləri
