İQTİSADİYYAT
“Kiberhəllər” sərgisində aparılan təcrübə mübadiləsi faydalı nəticələr verəcək
Bakı, 27 oktyabr, AZƏRTAC
“Kiberhəllər” sərgisində müxtəlif ölkələrdən gələn şirkətlər və onların məhsulları maraq doğurur. Onlarla dialoq qurmaq, təcrübə mübadiləsi aparmaq çox faydalı nəticələr verəcək. Burada çox gözəl işgüzar mühit var. Çox faydalı və maraqlı təşəbbüsdür.
Bu barədə AZƏRTAC-a müsahibəsində “Critical Infrastructure Defence Challenge 2023” (“CIDC-2023”) tədbirinin iştirakçısı Kürşat Oğuzhan Akıncı bildirib.
"Biz burada kursları və yarışı tənzimləyirik. İlk gün artıq geridə qaldı. Tədbirin çox yüksək səviyyədə keçdiyini vurğulamaq istərdim. Hazırda həm təlimlər, həm də “Kibermüharibə” yarışı davam edir. “Kiberhəllər” sərgisində "CIDC 2023"nin iştirakçıları gördüyünüz ekranlarda "QR" kodlardan istifadə edərək "quiz"lərdə iştirak edir, müxtəlif suallara cavab verib hədiyyələr qazana bilərlər. Hazırda 60-dək iştirakçı yarışır", - deyə Kürşat Oğuzhan Akıncı bildirib.
O qeyd edib ki, bu tədbirin əsas məqsədi dövlətlərin kritik infrastrukturlarında təhlükəsizliyi təmin etməkdir. Tədbiri kritik infrastrukturlarda təhlükəsizliyi təmin etməyə hazırlıq prosesi kimi də dəyərləndirmək olar”, - deyə Kürşat Oğuzhan Akıncı əlavə edib.