Kipr klubu “Qarabağ”ın legioneri ilə maraqlanır
Bakı, 25 yanvar, AZƏRTAC
“Qarabağ”ın aparıcı futbolçusu Kadi Borges bir çox klubun maraq dairəsinə düşüb.
AZƏRTAC xəbər verir ki, braziliyalı futbolçunun xidmətində maraqlı olan klublardan biri də “Apollon”dur. Kipr çempionatında mübarizə aparan Limassol təmsilçisi yayda Borgesi transfer etmək üçün “Qarabağ”a rəsmi təklif göndərəcək.
İyirmi beş yaşlı futbolçu “Koritiba”, “Londrina”, “Eştoril” və “Vilafrankese”də oynadıqdan sonra yayda “Qarabağ”a keçmişdi. Borgesi transfer etmək istəyən “Apollon” hazırda Kipr çempionatında liderdir.
Bölmənin digər xəbərləri
