Kir Starmer: Ukrayna Rusiyaya zərbələr endirmək üçün Britaniya raketlərindən istifadə edə bilər
London, 10 iyul, AZƏRTAC
Britaniyanın Baş naziri Kir Starmer Ukraynanın Rusiya daxilindəki hərbi hədəfləri vurmaq üçün Britaniyanın "Storm Shadow" raketlərindən istifadə edə biləcəyini deyib.
AZƏRTAC “Bloomberg”ə istinadla xəbər verir ki, Baş nazir əvvəlki Böyük Britaniya hökumətinin Rusiya-Ukrayna müharibəsində uzaqmənzilli raketlərindən istifadə siyasətini davam etdirəcəyini təsdiqləyib.
Kir Starmer "Storm Shadow" raketlərindən necə istifadə etməsinin Ukraynaya aid bir məsələ olduğunu bildirərək deyib: “Raketlər beynəlxalq humanitar hüquqa uyğun, müdafiə məqsədləri üçün istifadə edilməlidir. Lakin müdafiə məqsədləri üçün raketləri necə istifadə etməklə bağlı qərar Ukraynanın işidir”,- deyə o qeyd edib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
