KİŞİ VOLEYBOLÇULARIMIZ AVSTRİYA KOLLEKTİVİNİ MƏĞLUB ETMİŞDİR
AZƏRTAC xəbər verir ki, Bakı İdman Sarayında 2007-ci ildə kişilər arasında keçiriləcək Avropa voleybol çempionatının seçmə qrup oyunlarında iştirak etmək hüququ uğrunda Azərbaycan və Avstriya komandaları arasında ilk təsnifat görüşü keçirilmişdir. Gərgin idman mübarizəsi şəraitində keçən oyun 3:1 hesabı ilə Azərbaycan voleybolçularının xeyrinə başa çatmışdır (25:21, 22:25, 25:23, 25:21). Cavab oyunu mayın 20-də Vyana şəhərində olacaqdır.
İki görüşün ümumi nəticəsinə görə qalib komanda iyunun 1-5-də Lissabon şəhərində keçiriləcək seçmə qrup oyunlarında Portuqaliya, Belçika və Belarus yığmaları ilə oynamaq hüququ qazanacaqdır.
Bölmənin digər xəbərləri
