KİV: Şimali Koreyanın ballistik raket buraxdığı ehtimal olunur
Bakı, 23 dekabr, AZƏRTAC
Şimali Koreya cümə günü növbəti raket buraxılışı həyata keçirib. Onun uçuş trayektoriyaları dəyişən ballistik raket olduğu güman edilir.
AZƏRTAC Kyodo agentliyinə istinadla xəbər verir ki, bu barədə Yaponiyanın Sahil Mühafizəsi Xidməti məlumat yayıb.
Raketin Yaponiyanın iqtisadi zonasından kənarda dənizə düşdüyü bildirilir. Hadisə ilə əlaqədar məlumat toplamaq və təhlil etmək üçün Yaponiya Baş nazirinin ofisində fövqəladə böhran qrupunun iclası çağırılıb. Patrul katerləri bölgədəki gəmiləri sursat parçaları aşkarladıqları təqdirdə onlara yaxınlaşmamağa və dərhal səlahiyyətli orqanlarla əlaqə saxlamağa çağırıb..
Yonhap agentliyinin Koreya Respublikasının Silahlı Qüvvələrinə istinadla yaydığı digər xəbərə görə, KXDR ordusu Pxenyanın Sunan rayonundan Yapon dənizi istiqamətində qısa mənzilli iki raket atıb.
Qeyd edək ki, ilin əvvəlindən bəri KXDR 36 raket sınağı həyata keçirib. Sonuncu sınaqlar dekabrın 18-də olub.
Bölmənin digər xəbərləri
