Koronavirusa yoluxan şəxsin vəziyyətində ağırlaşma yoxdur
Bakı, 28 fevral, AZƏRTAC
Azərbaycanda koronavirusa yoluxan şəxsin vəziyyətində ağırlaşma yoxdur.
AZƏRTAC xəbər verir ki, bunu Nazirlər Kabinetinin yanında operativ qərargahın üzvü, TƏBİB-in şöbə müdiri Yaqut Qarayeva deyib.
O bildirib ki, koronavirus aşkarlanan şəxsin durumu stabildir, vəziyyətində ağırlaşma yoxdur: “O karantin məntəqəsinə aparılıb. Hazırda xüsusi boks şəraitində saxlanılır”.
Xatırladaq ki, Azərbaycan Respublikası Nazirlər Kabinetinin yanında operativ qərargah Azərbaycanda ilk koronavirus (COVID-19) infeksiyasına yoluxma faktının qeydə alındığını təsdiq edib. Xəstələnən şəxs Rusiya Federasiyasının vətəndaşıdır. İran İslam Respublikasından Azərbaycana daxil olarkən onda xəstəliyin əlamətləri müəyyən olunub.
Bölmənin digər xəbərləri
