Kür çayında su sərfinin ötən illərlə müqayisədə aşağı olduğu müəyyən edilmişdir
Bakı, 17 may (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən aprel ayında Kür çayının axımına nəzarət məqsədi ilə aparılmış yoxlama ölçmə işlərinin nəticələri açıqlanmışdır.
Nazirliyin mətbuat xidmətindən AZƏRTAC-a bildirmişlər ki, 6 məntəqədə çayın en kəsiyinin profili, sahəsi, dərinliyi, en kəsiyi boyu müxtəlif dərinliklər üzrə suyun sürəti ölçülmüş və su sərfləri hesablanmışdır.
Alınan nəticələr Kür çayında su sərfinin əvvəlki illərlə müqayisədə xeyli aşağı olduğunu göstərmişdir.
Bölmənin digər xəbərləri
