Kür çayının aşağı axınında suyun səviyyəsi artıb
Bakı, 12 yanvar, AZƏRTAC
Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 140-180, Kiçik Qafqazın çaylarında 110-180, Lənkəran-Astara bölgəsi çaylarında 60-80, Naxçıvan Muxtar Respublikası çaylarında isə 40 faizini təşkil edir.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, yanvarın 12-də Kür çayının Qıraqkəsəmən məntəqəsində suyun səviyyəsi 2, Qanıx çayının Əyriçay məntəqəsində 1 sm azalıb.
Kür çayının aşağı axınında isə suyun səviyyəsində əsasən artım müşahidə olunub. Belə ki, suyun səviyyəsi Kür çayının Surra məntəqəsində 4, Şirvanda 12, Bankədə 2, Araz çayının Novruzlu məntəqəsində 11 sm qalxıb. Kürün Salyandan keçən hissəsində isə suyun səviyyəsində dəyişiklik qeydə alınmayıb.
Bölmənin digər xəbərləri
