Kür çayının aşağı axınında suyun səviyyəsində əsasən azalma qeydə alınmışdır
Bakı, 17 fevral (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti çayların sululuğu ilə bağlı növbəti araşdırma aparmışdır.
Nazirliyin mətbuat xidmətindən AZƏRTAC-a bildirmişlər ki, araşdırmanın nəticələrinə əsasən, fevralın 17-də Böyük Qafqazın Quba-Xaçmaz bölgəsi çaylarında sululuq ongünlük normanın 140-210, Kiçik Qafqazın çaylarında 130-140, Lənkəran-Astara bölgəsi çaylarında 70-100, Naxçıvan MR çaylarında isə 50 faizini təşkil etmişdir. Kür çayının Qıraqkəsəmən məntəqəsində suyun səviyyəsində 6 santimetr azalma müşahidə olunmuşdur. Hazırda məntəqədə su sərfi saniyədə 118 kubmetrdir. Qanıx çayının Əyriçay məntəqəsində suyun səviyyəsində dəyişiklik baş verməmişdir.
Kür çayının aşağı axınında və Araz çayının Novruzlu məntəqəsində isə suyun səviyyəsində əsasən azalma qeydə alınmışdır.
Hazırda suyun səviyyəsi Kür çayının aşağı axınındakı məntəqələrdə- Surrada 376, Şirvanda 240, Salyanda 200, Bankədə 215, Novruzlu məntəqəsində isə 149 santimetrdir.
Bölmənin digər xəbərləri
