“KÜR” OLİMPİYA TƏDRİS MƏRKƏZİ YENİDƏN QURULACAQ
Mingəçevir “Kür” Olimpiya Tədris Mərkəzinin direktoru Mirzə Qazızadə AZƏRTAC-ın müxbirinə bildirmişdir ki, keçmiş İttifaq dövründə nəhəng idman komplekslərindən olan mərkəz SSRİ-nin süqutundan sonra tamamilə yararsız hala düşmüşdü. Lakin 2004-cü ildə Mingəçevirdə səfərdə olan dövlətimizin başçısı İlham Əliyev bu idman kompleksinin bərpası və yenidən qurulmasına dair tapşırıqlar vermişdir.
Mərkəzin bərpası layihəsinin ilkin variantı artıq hazırdır. Bərpa və yenidənqurma işlərinə oktyabr-noyabr aylarında başlanacaqdır. Təxmini hesablamalara görə, layihəni həyata keçirmək üçün 25 milyon ABŞ dolları məbləğində vəsait xərclənəcək.
Bölmənin digər xəbərləri
